聖日耳門提出　達斯拿交換古安杜斯

《串績王》新登場，最強博彩盤路過關神器：http://win.on.cc/football/　

今個冬窗好靜，巴黎聖日耳門想搞搞新意思，向阿仙奴提出交換球員，佢哋想用德國國腳達斯拿，交換古安杜斯，慳得就慳。

法國《隊報》報道，聖日耳門一直有留意古安杜斯，而自從艾美利落台，阿迪達上任之後，古安杜斯落場機會甚少，後來仲因操練打交等紀律問題被雪藏，今季被外借到德國哈化柏林，聖日耳門希望用交換球員方式，救該位21歲中場出火坑。

聖日耳門嘅交易籌碼，就係27歲嘅達斯拿，主要原因係該德國國腳今夏約滿，聖日耳門唔想佢免費離隊，所以用嚟交換球員，換番個啱使球員都好過冇。