摩連奴出手　斟迪馬利亞再次拍住上

20210127
  • 東網電視
    更多新聞短片
    (Getty Images)
    《英超刨績王》加強版，最強數據一網打盡：http://win.on.cc/football/　
    法國《隊報》爆料，熱刺領隊摩連奴向會方提出羅致巴黎聖日耳門(PSG)翼鋒迪馬利亞，由於呢位32歲阿根廷國腳將於今夏約滿，熱刺有機會免費簽入佢。
    據悉，巴黎聖日耳門曾經向迪馬利亞提出減薪，續約1年，但佢要求維持現有22萬鎊周薪，並續約2年，結果雙方傾唔掂數。
    由於迪馬利亞只剩下半年合約，依家已經可以同其他球會傾加盟問題，《隊報》指出熱刺已經派人接觸迪馬利亞，邀請佢加盟。
    摩連奴執教皇馬時期，曾經同迪馬利亞合作過，一直非常欣賞呢位阿根廷國腳，認為佢可以幫輕哈利卡尼、孫興民嘅進攻工作。如果熱刺未能今個月收購佢，都會力爭今夏免轉會費簽入佢。
    PSG上年放走2位約滿嘅大將堤亞高施華、卡雲尼，兩人不約而同，今季都去咗英超搵食，迪馬利亞行佢哋舊路，都唔出奇，到時仲可以同摩連奴一齊倒戈鬥「仇家」曼聯。