美斯復出即有士哥　巴塞闖西班牙盃8強

《英超刨績王》加強版，最強數據一網打盡：http://win.on.cc/football/　

阿根廷球王美斯停賽後復出首戰，周三深夜率巴塞隆拿喺西班牙盃惡鬥華歷簡奴，個人為巴塞追平，再加上法蘭基迪莊嘅絕殺，作客嘅巴塞以2比1反勝，奪得8強席位。

過去巴塞對住華歷簡奴從未輸過，更曾經喺80-81賽季嘅西班牙盃兩回合大勝6比1，不過，今仗主場出擊嘅華歷簡奴表現唔錯，頂得住「地上最強」嘅連環進攻，半場不失返入更衣室，更加喺63分鐘攻破巴塞後防，憑住加西亞近門射入領先；不過，巴塞於6分鐘後即刻追平，美斯接應基沙文嘅傳中射成1比1，直至80分鐘，近態大勇嘅法蘭基迪莊近門射入奠定勝局，協助巴塞反勝2比1。

值得一提嘅係美斯為巴塞追平嘅入球，係佢今季各項賽事累計嘅第15球，實現了過去15個賽季至少為巴塞攻入15球嘅紀錄，寫下另一個里程碑；而美斯踢西班牙盃已經76場，入咗54球。

此外，西維爾同艾美利亞分別擊敗華倫西亞及奧沙辛拿，携手闖入8強。