【有片】蘇超後衞世紀頭槌　跳高過C朗

東網電視

出片睇世紀頭槌https://bit.ly/2NTYimw　

葡萄牙球王C朗一向以彈跳力強見稱，佢喺2019年12月為祖雲達斯對森多利亞一役，跳起以256厘米頭部觸球點，勁頂入網，技驚四座。不過，呢個數據近日被蘇超球隊馬瑟韋爾中堅穆加比打破。

馬瑟韋爾上場蘇超對羅斯郡，踢到72分鐘，穆加比「飛將軍」迎頂角球破網，協助馬瑟韋爾反勝2比1。

賽後有人專登量度穆加比跳起嘅高度，發現佢當時腳部離地75厘米，比當年C朗高4厘米，而穆加比頂頭槌一刻，頭部觸球點更高達262厘米，比C朗高6厘米，非常誇張。

現年25歲穆加比係烏干達國腳，2019年加盟馬瑟韋爾，雖然佢好頂得，但其實至今為馬瑟韋爾上陣31場只入2球。穆加比同C朗一樣身高都係1米87，經此一役之後，真係一「跳」成名。

足球博彩神器，每日重心提供盡在《彩報》：http://win.on.cc/football/　

on.cc東網