港超聯　Pro牌到手！恭喜「嘉諾Sir」

周二（2日）除了港超球隊可以復操，以及東方龍獅守將梁冠聰求婚成功兩件喜訊之外，本地球圈其實還有一單值得高興的事，就是天水圍飛馬主帥郭嘉諾，正式成為首位經中國足協取得「亞洲足協專業級教練證書」（Pro牌）的港產教頭，恭喜晒！

歷時接近兩年，夢寐以求的「Pro牌」終於到手，「嘉諾Sir」不禁露出了其招牌燦爛笑容。「可以話係折騰咗差唔多兩年，上上落落，又要請假，又要視像督師，又要隔離，又要做論文，真係乜都齊！話我長氣都係咁話，好多謝天水圍飛馬會方肯放我去上堂同考試，球會幫咗我好多，我欠咗球會好多，嚟緊我會全心全意全力去帶領球隊，好開心終於可以練番波，希望球圈可以逐步回復正常！」