尼馬停賽仲好 PSG大炒尼姆

20210204
東網電視
更多新聞短片
澳職開鑼,即上《澳職刨績王》:
周四(4日)凌晨法甲,巴黎聖日耳門(PSG)雖然有球星尼馬累積足夠黃牌停賽,但球隊表現仲醒神,憑迪馬利亞1射1傳,主場以3比0大勝尼姆,迅速走出上場意外輸波嘅陰霾。
巴黎聖日耳門上場法甲作客2比3不敵護級球隊羅連安特,令人跌爛眼鏡,該仗尼馬射入2個12碼,呢位巴西前鋒今場坐波監,PSG反而進攻更加順暢。
開賽18分鐘,迪馬利亞把握對手傳球失誤,殺入禁區射入,打開紀錄。呢位阿根廷國腳之後轉換角色,傳畀沙拉比亞頂入成2比0。換邊之後,基利安麥巴比遠射得手,送夠3隻蛋畀尼姆。
另外,榜首里爾憑耶斯斯、添莫菲韋亞、約拿芬大衞下半場各入1球,作客以3比0大勝波爾多。至於第2位里昂由盧卡斯柏基達一箭定江山,作客以1比0擊敗迪安,所以PSG只能繼續排第3位,落後里爾3分。