曼城復甦之謎解開！全因有「藍月亮VVD」

《英超刨績王》加強版，最強數據一網打盡：http://win.on.cc/football/　

曼城各項賽事取得13連勝，只要周一(8日)凌晨擊敗利物浦，就可以打破英超球隊最長連勝紀錄。「藍月亮」唔止攻力強勁，而且防線亦遠比上季穩陣，功臣一定係上年9月尾加盟嘅中堅魯賓戴亞斯。

曼城簽入魯賓戴亞斯之前嘅19場比賽，失咗17球，而呢位23歲葡萄牙國腳為「藍月亮」上陣頭19場比賽，球隊只失7球，並有13場「零封」對手。因此，英國傳媒認為曼城收購魯賓戴亞斯，猶如利物浦當年簽入華基爾雲迪積克(VVD)，令球隊「升呢」，而且魯賓戴亞斯轉會費只係6,400萬鎊，平過VVD，佢亦年輕過VVD。

曼城領隊哥迪奧拿都對魯賓戴亞斯讚不絕口：「佢好有紀律，做好所有準備，所以表現一直咁出色，仲可以帶動隊友，踢出更高水準。」曼城有魯賓戴亞斯助陣，利物浦前鋒今場要入波絕對唔容易。