柏加當選最靚仔領隊　鶴臣大Sam邊個包尾？

足球博彩神器，每日重心提供盡在《彩報》：http://win.on.cc/football/　

英超領隊邊個最有魅力？如果單計外表，富咸領隊柏加就係球迷心水之選！有博彩網站最近搞咗個「最超最靚仔領隊」投票，結果富咸領隊柏加以68%高票當選，呢位40歲少帥力壓車路士新領隊杜曹同阿仙奴領隊阿迪達當選，摩連奴、高普同哥迪奧拿就分別第4位至第6位，曼聯領隊蘇斯克查就排第10位。

今次投票負責人古倫表示：「唔單止足球員會令球迷心跳加速，依家連領隊都好受到球迷關注，柏加明顯係球迷嘅最愛。」不過球迷似乎都係鍾意「嫩口」，今次「英超靚仔領隊排行榜」包尾係水晶宮嘅73歲領隊鶴臣，西布朗65歲領隊艾拿戴斯就排尾2，布魯士、比爾沙同安察洛堤3位「60+」教頭都排喺最後6名，似乎有「年齡歧視」之嫌喎！