吓!曼城睇中盧卡古艾格斯

20210208
東網電視
更多新聞短片
曼城睇中渣古艾格斯
《串績王》新登場,最強博彩盤路過關神器:http://win.on.cc/football/ 
曼城大破利物浦後,聯賽優勢拉開,英國傳媒環繞藍月亮嘅報道自然上升。英國《太陽報》引述《The Athletic》觀點,由於阿古路約滿離隊在即,曼城希望補充射手型球員入隊,報道指佢哋睇中國米前鋒盧卡古,同埋修咸頓射手丹尼艾格斯。
報道指,曼城依家踢緊無鋒陣,都係迫於無奈,皆因前鋒阿古路經常受傷,而且即將約滿,唔排除會離隊,至於另一前鋒加比爾捷西斯並非射手型,產量甚低,今季上陣19上僅入7球,曼城希望物色高產射手,因此睇中盧卡古同丹尼艾格斯。
「渣古」踢過多年英超,早已證明佢嘅能力,佢去到意甲繼續保持高入球量,因此成為曼城目標之一,至於丹尼艾格斯踢修咸頓都入咁多波,如果加上曼城中前場嘅輸送,絕對可以成為入球機器。
至於阿古路嘅去向,《The Athletic》認為佢以自由身加盟巴塞隆拿機會甚高,事關阿古路同美斯係國家隊老友,如果巴塞簽到阿古路,將令美斯續約留隊機會大增,雖然2人年紀係大啲,但只要有好表現,年齡就唔係問題。