尼馬首次做PSG隊長　但受傷或無緣鬥巴塞

《串績王》新登場，最強博彩盤路過關神器：http://win.on.cc/football/　

周四(11日)凌晨法國足總盃64強賽事，巴黎聖日耳門(PSG)作客以1比0擊敗卡昂，晉身32強，但付出沉重代價，球星尼馬勇戰受傷，可能缺陣下周中歐聯16強首回合作客倒戈對巴塞隆拿。

今場對尼馬有特別意義，因為係佢加盟PSG近3年半以來，首次擔任隊長比賽，佢亦不負所托，助攻摩斯堅恩入波。不過，踢到60分鐘，尼馬被對手跌傷，被逼退下火線，由基利安麥巴比入替。

尼馬早前亦曾經受傷，教練普捷天奴原本諗住畀佢喺今場「熱一熱身」，點知卻出事。賽後普捷天奴表示，要等檢查報告出咗之後，先至知尼馬要抖幾耐，法國《隊報》指呢位巴西國腳基本上已經無緣下周中歐聯16強首回合作客對巴塞隆拿。

迪馬利亞養傷之下，依家尼馬都傷埋，對於PSG爭奪法甲及歐聯錦標，造成沉重打擊。