南野拓實冇資格上陣 修咸頓仲識唔識入波

20210211
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
英足盃第5圈於大年初一凌晨上演英超球隊對決,狼隊主場出擊迎戰近況低迷嘅修咸頓,雙方近期鋒力都出現嚴重問題,想入波難度極高。狼隊自從魯爾占美尼斯重傷後,入球能力大幅下跌,近期成績略有起色,全靠加強防守;作客嘅修咸頓經歷連場大敗後,喺一場過淘汰賽亦會先求穩守,今仗入球數字肯定偏少,2.5球嘅入球細值得捧場。(無綫85台周五凌晨1時30分直播)
狼隊今季喺英超跌至聯賽榜下半部,最大原因係王牌前鋒魯爾占美尼斯重傷,雖然佢哋喺冬季轉會窗,由皇家蘇斯達引入箭頭韋利安荷西,但呢位巴西前鋒加盟後4仗仍未入過波,效果同魯爾占美尼斯有好大差距。
為免繼續沉淪,狼隊近期刻意加強防守力,表現亦止跌回升,近5場錄2勝2和1負,期間只失過2球,包括0比0悶和車路士同李斯特城兩支勁旅。相信占美尼斯一日未復出,佢哋都要踢守勢波保住英超席位。
修咸頓早前喺聯賽狂吞曼聯9隻蛋,上場又以2比3不敵紐卡素,2場波加埋失12球,防線欠穩嘅問題相當明顯。喺一場過嘅淘汰賽入面,修咸頓肯定會先以「止血」為首要任務,球隊喺對上兩圈都以零失球晉級,可見修咸頓係有能力專注防守,何況上場入波嘅日本新兵南野拓實,因為之前代表過利物浦踢英足盃,今場不合上陣資格,丹尼艾格斯又陷入球荒,修咸頓更加唔會輕率進攻。狼隊過去3次主場對修咸頓,總入球全開2球或以下,今場捧細盤為明智之選。