前女友突然死亡　保定急回國缺陣世冠盃

足球博彩神器，每日重心提供盡在《彩報》：http://win.on.cc/football/　

拜仁慕尼黑中堅謝路美保定上星期同女友Kasia Lenhardt分手，呢位女模特兒日前被發現喺柏林寓所內死亡，終年25歲。雖然德國警方指案件冇可疑，但外界猜測同感情糾紛有關，令謝路美保定難免成為「疑犯」。

拜仁教練費歷克透露，謝路美保定已經提早返回德國處理事件，將缺陣周五(12日)凌晨世冠盃決賽對堤格雷斯。

謝路美保定上星期同女友Kasia Lenhardt分手，當時謝路美保定表示，自己要做一個負責任嘅男人，必須結束呢段感情。Kasia Lenhardt反指呢位32歲德國國腳不斷講大話同不忠，導致雙方關係破裂。

兩人分手之後，Kasia Lenhardt曾經遭到大量網民喺佢嘅社交網留言辱罵，未知是否同案件有關。

拜仁教練費歷克表示：「事件令人震驚，謝路美保定同我講，希望回家，等佢做完新冠肺炎檢測之後，就會回國。」