硬漢！拉莫斯做完手術極速復操

《串績王》新登場，最強博彩盤路過關神器：http://win.on.cc/football/　

皇馬隊長沙治奧拉莫斯果然係一條硬漢，佢剛於上周六(6日)接受完左膝外側半月板手術，依家已經開始進行康復訓練，下周就會重返球會進行第2階段訓練。

沙治奧拉莫斯喺家中自己訓練，並拍片放上社交網，見佢左膝傷口仍然貼住醫用膠布，但已經急不及待要操練，保持狀態。呢位34歲西班牙老將表示，會逐步加強訓練量，希望爭取3月中復出，踢歐聯16強次回合主場對阿特蘭大。

另外，沙治奧拉莫斯將於今夏約滿，至於佢會唔會續約，仍然係未知之數。