戴巴拿剛復操　祖記歐聯前又添傷兵

《串績王》新登場，最強博彩盤路過關神器：http://win.on.cc/football/　

祖雲達斯周四(18日)凌晨歐聯16強首回合作客波圖，賽前消息有喜有悲，阿根廷前鋒保羅戴巴拿日前正式恢復個人操練，據報一個星期左右就可以復出，可以趕得切踢16強次回合嘅比賽。保羅戴巴拿喺社交網自貼練習相片，並且留言：「瞄準復出！」祖雲達斯高層柏拉迪斯亦證實：「戴巴拿嘅傷勢冇想像中咁嚴重，佢應該可以喺7至10日內復出。」

保羅戴巴拿就快回歸，但祖雲達斯亦出現新傷兵，上場聯賽傷出嘅哥倫比亞中場古達度，檢查後發現肌肉受傷，據報將會缺陣作客波圖以及下場聯賽對克羅托內，加上艾朗藍斯同艾法美路2大中場都仲養緊傷，祖雲達斯中場可以選擇嘅人唔多。