慕遜加柏主帥馬高路斯下季轉教蜜蜂

足球博彩神器，每日重心提供盡在《彩報》：http://win.on.cc/football/　

慕遜加柏主帥馬高路斯將會喺今季結束之後，執教多蒙特，兩邊球會周一已經確認消息。

44歲嘅馬高路斯自2019年執教慕遜加柏，開始打響名氣，當中包括闖入歐聯16強，球會官方已發出佢完約後離任嘅聲明：「過去幾星期都同馬高傾未來嘅合作，可借佢決定今個夏天會離開轉去多蒙特。」消息指馬高路斯喺周日率軍賽和禾夫斯堡前作出決定。

至於多蒙特亦落實這個消息，球會CEO華基斯確認馬高路斯今夏接手球隊，但拒絕透露更多詳情。至於兩隊即將會出戰歐聯16強，多蒙特周四會對住西維爾，而慕遜加柏就喺25號對曼城；兩隊下月2日將會喺德國盃相遇。