根度簡願踢曼城到掛靴　缺席操練引恐慌　

足球博彩神器，每日重心提供盡在《彩報》：http://win.on.cc/football/　

曼城近期氣勢如虹，德國中場根度簡突然大爆發係主要原因，呢位30歲球員近12場聯賽狂入11球，不過上仗贏熱刺比賽尾段受傷離場，球隊周一(15日)練習亦未見根度簡蹤影，令球迷擔心佢會缺席嚟緊對愛華頓、阿仙奴以及歐聯16強對慕遜加柏連場大戰。曼城領隊哥迪奧拿日前指根度簡鼠蹊部不適，未知傷勢係點，但估計並唔嚴重。

根度簡依家對曼城非常重要，佢亦話呢段時間係佢職業生涯最好狀態嘅日子：「我記得我之前都有段時間踢到好似依家咁好，不過依家仲有入波，令數據變得更好睇，所以係我足球生涯最好嘅時間。」根度簡同曼城合約去到2023年完結，但佢就話想留曼城到掛靴：「老實講，我可以想像呢件事(在曼城掛靴)會發生，曼城並唔係一間球會咁簡單，好開心可以成為呢個家庭一分子。」