尼馬變鍵盤戰士　寸巴塞獲12碼係笑話

足球博彩神器，每日重心提供盡在《彩報》：http://win.on.cc/football/　

巴黎聖日耳門(PSG)球星尼馬因為受傷無緣周三(17日)凌晨歐聯16強首回合，倒戈作客巴塞隆拿，但呢巴西國腳不忘為球隊出一分力，喺社交網上攻擊巴塞，直指呢支西甲勁旅獲得嘅12碼係笑話。

當時巴塞中場法蘭基迪莊跑入禁區之後，疑似被PSG後衞古沙華侵犯，向前仆倒，球證吹罰12碼，但從慢鏡睇番，兩人碰撞動作非常輕微，執法尺度有過嚴之嫌。

尼馬隨即喺社交網發文話：「呢球12碼簡直係笑話。」仲加上一大堆哭笑表情符號，諷刺球證。不過，尼馬好快就刪除貼文，似乎怕被歐洲足協秋後算帳，連累球隊被罰。

不過，貼文已經被網民截圖瘋傳，尼馬今次真係愈幫愈忙。