加薪續約擱置　老孫：呢刻傾有啲唔公平

《串績王》新登場，最強博彩盤路過關神器：http://win.on.cc/football/　

熱刺最近原本孫興民傾續約問題，但老孫話家陣呢個時候唔係講呢啲，雙方談判擱置，可能等季尾先再研究。

由於疫情影響，加上球隊正要爭取成績，孫興民認為目前講續約好似唔太公平：「我覺得依家講新合約好似有啲唔公平，我想專注比賽及訓練，呢點係依家最重要。」

呢位南韓球星今季表現更加搶鏡，早前有報道指熱刺已經想加佢人工，「我喺熱刺踢波好開心，作為球員我一定會更努力，但呢一刻講新合約唔係適當時間。」老孫同熱刺嘅合約到2023年，周薪15萬英鎊，有報道指球隊想以加薪到20萬鎊續約。