禾夫斯堡大勝入3甲　連續666分鐘不失創紀錄

《串績王》新登場，最強博彩盤路過關神器：http://win.on.cc/football/　

德甲奇兵禾夫斯堡勇態持續，周六(20日)凌晨獨腳戲作客3比0大破比勒費爾德，將不敗走勢增加至9場，並且喺積分榜殺上第3位，只係落後第2位嘅RB萊比錫2分。禾夫斯堡已經連續7場賽事、合共666分鐘未失過波，創下球會紀錄。

禾夫斯堡今季異軍突起，聯賽只係輸過2場並列輸波最少球隊，今場作客上仗打和拜仁慕尼黑嘅比勒費爾德，全場控制戰局贏得輕鬆，雖然王牌前鋒韋格賀斯冇波入，但瑞士翼鋒連拿度史提芬上、下半場各入1球，加上中場麥斯美艾洛特錦上添花，未受考驗下大勝3比0。

自1月初輸畀多蒙特後，禾夫斯堡各項賽事近9仗有6勝3和不敗佳績，當中最近7場都保持不失球，創下連續666分鐘嘅球會最長不失球紀錄。入球功臣麥斯美艾洛特賽後表示：「聯賽係以34場比賽後成績作準，我哋仲有好多嘢要做，不過球隊踢得非常聰明同成熟，的確令人滿足。」