【官宣】史篤城殺人王解約　將投國際邁亞密

足球博彩神器，每日重心提供盡在《彩報》：http://win.on.cc/football/　

效力英冠球會史篤城14年嘅「殺人王」梳爾哥斯，日前宣布同球會提前解約，呢位33歲中堅將會去美職發展，加盟碧咸做班主、菲臘尼維利做教練嘅國際邁亞密。

梳爾哥斯同史篤城合約到夏天完結，不過佢今季長期坐冷板，當國際邁亞密向佢招手，梳爾哥斯亦順利同史篤城傾掂提前解約。史篤城發聲明感謝梳爾哥斯過去14年嘅貢獻，並且表示答應解紉係「畀佢實現去美國發展嘅機會」。

梳爾哥斯係曼聯青訓出身，今次加盟由碧咸同菲臘尼維利揸旗嘅國際邁亞密亦順理成章，佢會即時加入球隊今個月22日展開嘅季前集訓。梳爾哥斯曾經1次代表英格蘭國家隊上陣，不過佢職業生涯最為人熟悉嘅，係喺2010年鏟斷艾朗藍斯隻腳，從此獲得「殺人王」稱號。