慘成路人甲　阿古路暗示離開曼城

《英超刨績王》加強版，最強數據一網打盡：http://win.on.cc/football/　

氣勢如虹嘅英超「一哥」曼城，今季雖然有傳奇射手阿古路長期缺陣，不過球隊改變踢法後，入球能力絲毫未減，今季入49球亦係英超第2多球隊。傷愈復出嘅阿古路近2場都坐冷板，慘成「路人甲」嘅佢日前首度回應續約問題，表明會以上陣時間為重要考慮，暗示可能離開曼城。

阿古路同曼城嘅合約去到季尾就完結，不過遲遲未有續約消息，呢位阿根廷前鋒最近接受訪問，首次就去留問題作出回應：「我唔知將來會發生咩事，季尾會去邊亦完全冇頭緒，但我優先考慮嘅係落場比賽，等我重返球場就會再考慮之後嘅事，我仍然希望踢多幾個球季。」

今季係阿古路效力曼城第10個球季，佢一直都係球隊入球泉源，不過曼城近期改用中場球員輪流插前攻門戰術，取得極大成效，令阿古路位置相當尷尬。