曼城再剋阿仙奴 恐怖18連勝又締新紀錄
20210222
東網電視
更多新聞短片
《英超刨績王》加強版，最強數據一網打盡：http://win.on.cc/football/
英超「一哥」曼城狀態無可抵擋，周一(22日)凌晨英超憑史達寧一箭定江山，作客以1比0擊敗阿仙奴，各項賽事連贏18場，當中包括連續11場作客勝仗，追平英格蘭頂級聯賽球會史上最長作客連勝紀錄。英超第2位曼聯亦喺主場3比1擊敗紐卡素，曼城繼續以10分優勢喺榜首帶出。
延伸閱讀：【般奴費南迪斯「雙雙」 曼聯3比1輕取紐卡素】
曼城今場排出奇雲迪布尼、史達寧同馬列斯嘅無鋒陣，開波2分鐘即有個好開始，史達寧接應馬列斯右路傳中輕鬆頂入。曼城領先後一直控制大局，阿仙奴只能夠靠布卡約沙卡同基蘭泰亞尼喺左路製造零星威脅。曼城下半場進一步施壓，不過面對阿仙奴緊密防線未能再入波，最終憑早段入球贏1比0完場。
曼城贏埋今場之後，各項賽事作客11連勝，追平佢哋喺2017年5月至11月間創造嘅英格蘭頂級球會紀錄。曼城喺周四(25日)凌晨歐聯16強首回合賽事，將會「作客」德甲嘅慕遜加柏，不過呢場波就因應防疫措施問題，改咗去匈牙利舉行。
曼城領隊哥迪奧拿賽後表示：「呢個紀錄(18連勝)終有一日會完結，但當所有球隊都輪流失分，我對曼城可以連續2個月保持咁高水平係感到驚訝，要知道我哋係贏利物浦、熱刺、愛華頓同阿仙奴，絕對係硬仗連場，所以今日贏1比0我已經非常滿足。」