巴塞被逼和！美斯超越沙維創歷史笑唔出　　

《英超刨績王》加強版，最強數據一網打盡：http://win.on.cc/football/　

阿根廷球王美斯周日寫下里程碑，為巴塞隆拿出戰第506場西甲賽事，超越沙維（505場）成為巴塞史上落場最多嘅球員，即使美斯為球隊先打開紀錄，惟最終被卡迪斯追和1比1，巴塞未能全取3分。

巴塞於上半場中段就搏得12碼，柏迪攻入禁區內被「三文治式」勾跌，美斯主射12碼成功破網，為巴塞先開紀錄，同時亦喺美斯今季射入嘅第16球，與老友蘇亞雷斯齊齊喺射手榜領先。不過，一直保持優勢嘅巴塞，直至臨完場失守，88分鐘輸番個12碼，被卡迪斯逼和，「地上最強」7連勝被終結，只能袋走1分，錯過了追近榜首馬體會嘅機會，目前在西甲排名榜暫列第3，以8分之差落後馬體會。

不過，今場嘅焦點仍然落在美斯身上，佢於西甲出場次數已經達到506場，超越沙維，並且攻入459球及助攻186次，而佢今場嘅入波更係佢西甲嘅第73個12碼，打破C朗拿度(72球)所保持嘅西甲主射12碼最多嘅紀錄。