法甲被屈機？巴黎聖日耳門又輸波

足球博彩神器，每日重心提供盡在《彩報》：http://win.on.cc/football/　

法甲豪門巴黎聖日耳門(PSG)喺法甲「屈機」多年，不過今季就遇上大危機，周一(22日)凌晨聯賽主場面對爭標對手摩納哥，竟然慘吞2蛋，輸波後只係排第3位，落後榜首里爾4分。連埋今場再內，PSG今季5次面對聯賽前5位球隊只得1和4負，遇強即屈令人擔心。

PSG上星期喺歐聯大破巴塞隆拿技驚四座，今場迎戰摩納哥亦繼續強陣出擊，不過進攻效率極低，全場75%控球率下作出12次射門，但只係得2次命中目標，相反摩納哥6射3中龍，蘇菲亞尼迪奧普同馬利賓上、下半場各入1球，協助摩納哥贏出漂亮一仗。

PSG今季面對法甲前5球隊里爾(1和)、里昂(1負)、摩納哥(2負)同朗斯(1負)，5次對賽只有1和4負成績，由以往表現「屈機」到今季「被屈機」，跌幅令人擔心。