神鋒對決!歐洲金靴勁定世足先生醒?

2021年02月22日 17:09
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
周三(24日)凌晨歐聯16強首回合,拉素鬥拜仁慕尼黑嘅大戰,亦係兩隊神鋒恩莫比尼同羅拔利雲度夫斯基嘅對決!「羅拔仔」上年勇奪世界足球先生,幾乎囊括晒所有球會同個人獎項,唯獨就係喺歐洲金靴獎,輸咗畀上季意甲狂入36球嘅恩莫比尼。對於兩大神鋒,冇人比德國傳奇前鋒高路斯更有資格作出分析。
依家作為拜仁助教嘅高路斯,球員生涯踢過晒拜仁慕尼黑同拉素,佢2007至11年間效力拜仁慕尼黑,之後就改投拉素踢多5季先至掛靴,恩莫比尼正正就係高路斯喺拉素嘅接班人。有趣嘅係,恩莫比利喺2014年曾加盟德甲多蒙特,當時就係接替轉投拜仁慕尼黑嘅「羅拔仔」。
高路斯賽前表示:「我每日睇住羅拔仔踢波,所以會有更精準嘅評價,我認為佢(比起恩莫比尼)更加優秀。羅拔仔係最全面嘅足球員,亦係所有前鋒嘅模範。恩莫比尼都係偉大前,無論有波在腳定冇波在腳都好出色,而且唔需要好多機會就可以入波,證明佢嘅能力有幾強。」