傷兵成籮「白水戰」 睇下邊隊失誤多

2021年02月22日 19:30
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
周一英超獨腳戲,白禮頓主場鬥水晶宮。兩軍傷兵名單都係水蛇春咁長,堪稱難兄難弟,尤其水晶宮欠缺前鋒韋費特沙夏,球隊完全唔識踢波咁款,白禮頓早前連贏幾場之後近排又沉過,今場都係穩穩陣陣算,佢哋近10場主場8場開半場和,再追啱數。(Now 621周二凌晨4時直播)
簡單數吓兩軍傷兵名單,白禮頓有前鋒查漢巴克殊、中場荷西伊斯基亞度及蘇利馬治、後衞蘭普堤等肯定缺陣;水晶宮則有射手韋費特沙夏、中場占士麥卡菲及3名後衞舒洛比、馬馬度沙高、湯堅斯等倦勤,都仲未計長期傷兵,兩軍領隊調兵遣將都顯得捉襟見肘。
尤其水晶宮冇咗韋費特沙夏影響最大,呢名科特迪瓦前鋒鬥紐卡素時受傷休息,球隊喺之後兩場即連輸畀列斯聯及般尼,喺佢缺陣嘅20場賽事,水晶宮輸咗18場,領隊鶴臣今場相信都會屯重兵,希望唔好咁早失波。
半場波膽旺「0:0」
白禮頓早排連贏熱刺及利物浦搶夠分數,護級壓力唔算大,「海鷗」同樣受傷患困擾,今場亦唔需要太過急進,事實上,佢哋喺主場作戰反而仲謹慎,近10次主場出擊8次同對手半場打和,包括6次開半場「0:0」波膽,今仗揀半場和啱數。