搞咩?曼聯後備門將兼任第4球證!

2021年02月22日 23:03
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼聯昨晚主場3比1擊敗紐卡素,賽事末段出現搞笑一幕,當時曼聯作出調動,換入桑馬達及17歲小將梳泰亞,負責舉牌者並非第4球證,而係曼聯第3後備門將李爾格蘭,莫非佢去咗英超賽會「秘撈」?
李爾格蘭突然以球證身份亮相,即時引起網民討論,有人笑佢正職係英超球證,曼聯門將只係佢副業,亦有人話佢一個人做咁多份工,周薪3萬鎊係好合理,事實上呢位38歲門將自從2018年由史篤城加盟後,在英超重未上陣,更多時候係擔任門將訓練工作,負責迪基亞同甸恩軒達臣嘅訓練。
至於今次客串做第4球證,原來係因為曼聯教練組有人染疫,李爾格蘭被逼湊數成為教練團一員,在疫情下英超賽會限制場上人數,每隊都要派人負責第4球證工作,李爾格蘭就喺呢個情況下在電視畫面前亮相,以第4球證身份完成換人舉牌嘅動作。