皇馬開倉!艾斯高領銜3大巨星免費轉會

2021年02月23日 10:01
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
西甲班霸皇家馬德里志切重建,今個夏天目標已瞄準基利安麥巴比同艾寧夏蘭特兩大神鋒,不過兩單轉會都肯定涉及天價轉會費同人工,皇馬要實現目標前,必定要先作出清洗。西班牙報章《ABC》爆料,艾斯高、加里夫巴利同馬些路大高薪球員,已被通知可以免費轉會。
皇馬目前有唔少高薪但冇用嘅球員,中場艾斯高、左閘馬些路同已被外借熱刺嘅加里夫巴利,已經唔喺球隊未來計劃內,但3人合約都要到2022年先完結,而佢哋嘅高薪同表現不成正比,極難 搵到球會願意支付轉會費兼承擔高薪酬,所以皇馬會長皮里茲已決定,容許3人免費轉會。
3人當中,相信以28歲嘅艾斯高最搶手,呢位西班牙中場仍處當打之齡,冇幾耐之前亦受到多間英超球會垂青,由安察洛堤執教嘅愛華頓就係其中之一。皇馬畀唔要球員免費轉會早有先例,上年就免費放走哥倫比亞中場占士洛迪古斯,而佢加盟嘅球會正正就係愛華頓。