玩Game洩軍情 維拉禁制英超Fantasy

20210223
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
足球Fantasy遊戲一直深受球迷愛戴,就連一班球星自己都玩埋一份,不過近期英超出現唔少因為玩Fantasy而令軍情外洩事件,據報部份英超球會亦就事件進行交流,據報阿士東維拉已勒令禁止旗下職球員再玩英超Fantasy遊戲。
阿士東維拉上場聯賽迎戰李斯特城,王牌球星基亞利殊因傷缺陣,但其實軍情公開前唔少球迷都已知道,因為3名球員馬特泰基特、尼爾泰萊同侯利漢尼(已外借史雲斯),以及維拉理療師同另一教練,都提前喺Fantasy遊戲入面將基亞利殊轉走。維拉領隊甸恩史密夫賽後亦表示:「我留意到社交網一早傳出基亞利殊唔踢得,我要睇下消息係咪由訓練場流出,並且搵出問題根源。」
同類事件之前亦有發生,列斯聯上場作客狼隊前,隊長李安谷巴將隊友阿里奧斯基喺Fantasy轉走,結果阿里奧斯基喺呢場波先任後備,結束連續17場正選嘅走勢,而呢次調動喺賽前就因李安谷巴嘅舉動而曝光。