西媒爆料　曼聯將簽意國天才門將

《英超刨績王》加強版，最強數據一網打盡：http://win.on.cc/football/　

近日曼聯首席門將位置再成熱話，有指西班牙門將迪基亞已經失勢，即被棄用，令人驚訝嘅係，繼任門將並非現有嘅甸恩軒達臣，而係意大利天才門將、AC米蘭年輕鋼門基安盧基當拿隆馬。

西班牙《阿斯報》報道，21歲嘅基安盧基當拿隆馬同AC米蘭合約於今夏屆滿，距離約滿這半年可任意同任何球會傾轉會，擁有6年意甲經驗嘅基安盧基先後同歐洲各大豪門約談，拜仁慕尼黑、巴黎聖日耳門、祖雲達斯都想簽佢，消息指暫時以曼聯機會最大。

報道指，基安盧基同曼聯已達成一致協議，佢將會成為迪基亞繼任者，由於係免費轉會，曼聯將向佢開出一份史上最高薪合約，令佢成為世界最高薪門將，現時迪基亞周薪為35萬鎊，新門將人工或會更高。

本周將滿22歲嘅基安盧基當拿隆馬係意甲史上最年輕上陣200場球員，紀錄係21歲361日，之前紀錄保持者係老牌門將保方，佢嘅舊紀錄係24歲零83日。