巴西傳媒稱艾利臣爸爸遇溺身亡

足球博彩神器，每日重心提供盡在《彩報》：http://win.on.cc/football/　

巴西傳媒報道，利物浦門將艾利臣比加嘅爸爸荷西比加，喺巴西進行潛水活動期間失蹤，當地消防人員證實，搵到一具男屍，死者係艾利臣嘅57歲爸爸荷西比加。

據悉，荷西比加喺當地時間周三(24日)，前往距離阿萊格里港320公里嘅一處水壩，進行潛水活動，懷疑不幸遇溺失蹤。當警方及荷西比加嘅朋友喺當日晚上10時50分發現佢嘅時候，荷西比加已經冇生命迹象。

利物浦近期連接發生不幸事件，領隊高普嘅媽媽早前不幸過身，但因為德國對英國「封關」，令到高普無法回國奔喪，依家輪到艾利臣比加失去親人。