軒達臣或需要開刀　面臨長抖12周

最強博彩盤路過關神器《串績王》：http://win.on.cc/football/　

利物浦隊長佐敦軒達臣喺上場英超對愛華頓，不幸受傷退下火線，英國《太陽報》最新爆料，指呢位30歲英格蘭國腳可能需要接受手術治療傷勢，一旦開刀，就會面臨長抖12星期，唔止可能提早收咧，甚至會影響為英格蘭出戰6月中舉行嘅歐國盃決賽周。

據悉，佐敦軒達臣今次係腹股溝受傷，將於今個星期內決定是否做手術，如果決定開刀，勢必面臨長抖12星期。

如果選擇唔開刀，都會缺陣未來6場英超及歐聯16強次回合對RB萊比錫，而且用保守治療方法，未必可以根治傷勢，所以令會方非常為難。至於最終決定係點，應該好快有答案。