迪布尼暫緩續約　先睇美斯夏蘭特人工幾多

《英超刨績王》加強版，最強數據一網打盡：http://win.on.cc/football/　

曼城同奇雲迪布尼續約談判持續1季，但到依家仲未傾成，英國傳媒爆料，原來迪布尼係想睇埋曼城今夏簽咩人，會否簽入美斯同艾寧夏蘭特，再睇佢哋人工有幾多，先再同曼城傾續約。

奇雲迪布尼已經29歲，同曼城合約仲有2年半，曼城想同佢續約5年，但周薪由現時嘅29萬鎊，減到25萬鎊，然後再補番每周7萬鎊獎金，新合約條件如何，球迷各有睇法，有人認為曼城每周都贏波，實際上係加人工，亦有人話曼城保障自己都啱，一旦迪布尼受傷，球會亦可減輕損失。

不過呢位英超助攻王就有自己打算，英國《每日星報》報道，迪布尼係想睇埋曼城今夏簽咩人返嚟，再決定續約條件。消息指，如果曼城簽入美斯同艾寧夏蘭特，前者周薪超過50萬鎊，夏蘭特周薪亦超過30萬鎊，到時迪布尼就會要求更高人工，希望自己退休前可以賺多啲。

站喺迪布尼角度，佢做法冇錯，曼城對於續約亦唔心急，一切等今夏簽人情況再決定。