美斯新開酒吧　開喺哨牙蘇餐廳旁邊

足球博彩神器，每日重心提供盡在《彩報》：http://win.on.cc/football/　

美斯今夏去向未定，不過就算佢離開巴塞隆拿，佢全家喺西班牙已經紮根，近日有消息稱，美斯新開嘅酒吧即將落成，就設喺前隊友蘇亞雷斯附近，兩個死黨喺同一區域齊齊做老闆。

蘇亞雷斯嘅餐廳Chalito，喺2017年在西班牙Castelldefels一個海灘小鎮開業，並成為哨牙蘇同美斯兩家人嘅聚腳點，兩人嘅仔女都喺當地讀書，雖然哨牙蘇今季轉會馬德里體育會，但佢同美斯仍保持密切關係。

美斯嘅新酒吧，將開設喺Chalito同一條街，相隔不足100碼，有佢兩個做老闆，即使美斯今夏離開巴塞，轉投英超，美斯喺西班牙嘅關係未斷，當地隨時變成球星街，成為旅遊景點。