車路士總監想要沙利多過杜曹?

2021年02月26日 19:02
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
車路士上月底怒炒林柏特,改由杜曹執教令成績大躣進,呢位德國教頭嘅能力亦令球迷非常滿意,不過意大利媒體近日爆料,原來車路士總監瑪蓮娜原本嘅心水人選係前領隊沙利,而且仲成功斟掂該「煙鏟教頭」回巢執教,只係班主阿布拉莫域出手Ban咗呢個行動,先至令杜曹有得上任。
據意大利著名記者Ciro Venerato向《RAI Sport》透露:「車路士炒林柏特後,即刻聯絡沙利接手,尤其係總監瑪蓮娜非常奮力邀請佢回巢,沙利當時已經答應,但係阿布拉莫域突然叫停所有行動。沙利嘅老婆同仔女依家希望佢可以重返拿玻里。」
沙利喺18/19球季執教車路士,好壞評價參半,佢帶領車路士拎到歐霸盃冠軍,但係戰術同用人上都受到質疑,上季執教祖雲達斯亦因成績麻麻而被炒魷,依家處於自由身狀態。