根度簡爆料：曼聯曾經想簽我

韓職開鑼，即上《韓職刨績王》：https://win.on.cc/football/league/kd1/index.html　

曼城中場根度簡今季表現大勇，各項賽事已射入13球，創出球員生涯單季入球新高。呢位30歲德國國腳近日表示，2016年由多蒙特加盟曼城之前，曼聯曾經有意簽佢。

根度簡被問到有機會成「魔」一事，佢坦然承認：「呢件事係真嘅，早於加盟曼城之前兩三年，我哋有傾過，當時多蒙特隊友香川真司轉投咗曼聯，有人同我講，曼聯球探觀察香川真司期間，亦睇中我，有傾過轉會一事，但並冇深入談判，因為當時多蒙特講明唔會出售我。」

根度簡話可以為曼城效力，感到非常驕傲，亦多謝曼聯過去嘅成功，令曼市足球充滿競爭力，好喜歡同曼聯交鋒。