杜曹蘇B兩年5次碰頭　有1項勝負黃金定律

最強博彩盤路過關神器《串績王》：http://win.on.cc/football/　

周一(3月1日)凌晨將上演英超大戰，車路士主場對曼聯，雙方主帥杜曹同蘇斯克查真係有緣，今場係佢哋近兩年第5次碰頭。

2018/19年球季歐聯16強首回合，杜曹帶領巴黎聖日耳門(PSG)作客以2比0擊敗由蘇斯克查領軍嘅曼聯，但次回合PSG主場竟然輸1比3，曼聯憑較多作客入球晉級，當時對杜曹絕對係1次重大打擊。

今屆歐聯分組賽，當時仲係PSG主帥嘅杜曹，又遇上蘇B執教嘅曼聯，結果各自作客贏1場，但今屆就輪到PSG出線，曼聯出局。

換言之，杜曹同蘇斯克查前4次交手，各贏2次，無獨有偶4次都係由作客一方勝出，睇來曼聯今場贏面似乎比較大。

事實上，曼聯過去3次作客車路士，都贏波而回，如果紅魔鬼今場又贏，就會係曼聯成立143年以來，首次連續4次作客擊敗車路士，到底能否完成呢個壯舉，大家拭目以待。