「聖人」未頹完 愛華頓今晚想點就點!

20210301
東網電視
更多新聞短片
(Now 621周二凌晨4時直播)
日職開鑼,即上《日職刨績王》:https://win.on.cc/football/league/jleague/index.html 
英超獨腳戲,愛華頓主場迎戰修咸頓,「拖肥糖」愛華頓上場「默西賽德郡打吡」作客擊敗利物浦,表現令人驚喜。不過,要留意愛華頓主場表現欠佳,近5場聯賽主場僅有1和4負,不宜高估。考慮到愛華頓近5場聯賽主場,有4場總入球係2球或以下,加上對手修咸頓積弱已久,預料難以對「拖肥糖」防線構成太大威脅,首選中位數2.5球嘅入球細。(Now 621周二凌晨4時直播)
愛華頓上場英超打破宿命,近22年首次聯賽作客擊敗利物浦,除咗因為紅軍陷入低潮之外,亦同「拖肥糖」今季表現反傳統有關。睇番愛華頓今季作客成績遠勝主場,12場聯賽主場只取得14分,反而12場作客卻有26分。因此,就算佢哋上場作客贏到勁敵利物浦,唔代表今場返回主場可以延續強勢。
至於修咸頓踏入2021年之後,表現急轉直下,自從爆冷1比0小勝利物浦之後,就好似中咗魔咒,演出嚴重走樣,近8場聯賽錄得1和7負劣績,同埋近5場聯賽作客有4場未能取得入球,包括同護級球隊富咸打和0比0。
丹尼艾格斯腳風唔順
首席射手丹尼艾格斯腳風非常唔順,近9次為修咸頓上陣,只有2球進帳。修咸頓最強武器都失靈,更加唔好奢望佢哋可以入到愛華頓波。以修咸頓近6次作客愛華頓,有4次總入球係2球或以下嘅走勢,入球細值得追捧。
名家:Mic少
2球或以下 80%
愛華頓近5場主場聯賽總入球統計