【官宣】史浩克兵變　今季第4次炒教練

足球博彩神器，每日重心提供盡在《彩報》：http://win.on.cc/football/　

今季全面沉淪嘅德甲球會史浩克04，周日(28日)宣布將僅僅上任2個月嘅教練哥斯炒魷，亦係呢間德甲包尾球會今季第次易帥。據報哥斯係受到哥拉辛拿斯、梅斯達菲同亨特拉爾等球星聯手作反「逼走」。

史浩克04今季只贏過1場排包尾，極大機會自1988年後首次降班，哥斯今次被炒魷，係繼大衛華拿、巴姆同史堤芬斯後，今季第4個被球會炒魷嘅教練。除咗哥斯之外，史浩克04總監舒尼達以及一位球會協調官員都被解僱。

德國《圖片報》爆料，哥斯今次被炒係因球員「兵變」，消息指哥拉辛拿斯、梅斯達菲同亨特拉爾3位冬季轉會窗加盟嘅球星，帶領一眾隊友齊反哥斯，佢哋不滿哥斯嘅訓練方法，對住星級球員態度惡劣，甚至經常叫錯球員嘅名，令一眾球員對佢完全失去信心。