摩連奴行運　熱刺歐霸主客調轉仲著數

《英超刨績王》加強版，最強數據一網打盡：http://win.on.cc/football/　

歐洲足協周二(2日)宣布，英超勁旅熱刺喺歐霸盃16強嘅兩回合賽事，將會由「先客後主」改為「先主後客」，雖然呢個轉變表面上係較為不利，但熱刺依家首回合喺主場踢完後，可以即刻備戰3日後對阿仙奴嘅「北倫敦打吡」，相反「兵工廠」就要千里迢迢由希臘飛返嚟，熱刺攞晒著數。

根據原本賽程安排，2支倫敦勁旅喺12號都係先作客，阿仙奴作客希臘奧林比亞高斯、熱刺就作客克羅地亞嘅薩格勒布戴拿模，然後15號就上演「北倫敦打吡」。不過歐洲足協規定，兩支同城球隊唔會喺同1晚一齊主場出賽，由於阿仙奴係以「盃賽冠軍」身份參賽，所以優先保留原本賽程，而熱刺就「被逼」更改主客次序，估唔到錯有錯著。