伊巴拉傷肌肉　歐霸對曼聯無份踢

韓職開鑼，即上《韓職刨績王》：https://win.on.cc/football/league/kd1/index.html　

正當大家期待伊巴謙莫域喺歐霸16強對住曼聯會唔會有入波之際，呢位39歲球星因為上仗受傷而要養傷，消息指佢傷勢嚴重，最少至休戰五場，對戰紅魔嘅好夢成空。

上周末AC米蘭2比1贏羅馬，但伊巴就要因傷提早離場，經診治後消息指這位瑞典前鋒是左邉大腿肌肉拉傷，估計要至少休息10日，伊巴嘅受傷對於AC嚟講絕對係一個打擊，未來三周更是一周兩賽，伊巴未來兩場聯賽肯定踢唔到，而對曼聯在3月11日嘅首回合歐霸16強，都無緣上陣，而喺18號嘅次回合則要再觀察傷勢情況。

曾效力曼聯嘅伊巴，過去為紅魔出戰53場攻入29球，而今季佢為AC米蘭在意甲出戰21場入咗16球，目前AC僅以4分落後國際米蘭排喺意甲第二位。