小說情節！英冠仔加盟歐洲6冠王！

日職開鑼，即上《日職刨績王》：https://win.on.cc/football/league/jleague/index.html　

一名低組別打滾嘅無名小卒，突然搖身一變加盟歐洲6冠王頂級豪門，呢啲唔係小說橋段，喺歐洲球壇正在發生！英國各大傳媒報道，英冠雷丁嘅23歲小將奧馬李察士，被6冠王拜仁慕尼黑睇中，以自由身簽約4年，今夏正式加盟！

據報道，奧馬李察士同雷丁今夏約滿，佢哋嘅目標係升上英超，現時雷丁排英冠第5，處於升班附加賽區域，同直接升班嘅第2名相差9分，有一定升班機會，不過點估到，隊員奧馬李察士今次轉會，已經衝英超，加盟歐洲霸主拜仁！

報道指，奧馬李察士同拜仁談判咗3個月，終於達成協議，由於疫情關係，球員喺英國期間通過身體檢查，只等待球季結束，就會飛去德國向拜仁報到。

奧馬李察士加盟拜仁，將會成為左中場艾方素戴維斯嘅輪換替補球員，如果表現理想，阿拉巴離隊後留下嘅空缺，就會由佢補上。今次轉會咁神奇，有機會真係要睇吓奧馬李察士係咪咁好波。