有乜咁把炮？愛華頓富咸齊爭德甲射手

最強博彩盤路過關神器《串績王》：http://win.on.cc/football/　

英國《太陽報》爆料，2支英超球隊愛華頓、富咸一齊睇中史特加前鋒華曼基杜卡，力爭今夏將呢位21歲剛果民主共和國射手收歸旗下。

華曼基杜卡今季德甲上陣22場，射入11球，被指踢法似阿仙奴翼鋒尼高拉斯比比。華曼基杜卡技術更加全面，可以勝任翼鋒同正前鋒，加上身高1米89，步大力雄，踢法非常有侵略性，愛華頓領隊安察洛堤非常欣賞佢。

雖然富咸都想收購華曼基杜卡，但由於球隊陷入降班旋渦，如果未能保住英超席位，恐怕難以吸引華曼基杜卡加盟，愛華頓得手機會比較高。