碧基94分鐘救駕 巴塞戲劇性入西盃決賽
20210304
東網電視
更多新聞短片
《串績王》新登場,最強博彩盤路過關神器:http://win.on.cc/football/
周四(4日)凌晨西班牙盃4強次回合,巴塞隆拿戲劇性反勝西維爾晉級,紀錄性第42次殺入西班牙盃決賽。巴塞隆拿今場一度陷於出局邊緣,全靠中堅碧基喺法定時間最後一刻絕殺,將比賽帶入加時同埋實現反勝劇本。
首回合輸0比2嘅巴塞隆拿,今場一開波就發動狂攻,奧士文尼迪比利12分鐘轟入靚波先開紀錄,不過面對西維爾嚴密布防一直未能再入波,73分鐘更加大意輸12碼,好在門將達史特根將奧甘波斯射門撲出。巴塞隆拿大難不死有後福,西維爾中場費蘭度法蘭斯高92分鐘兩黃一紅被逐,94分鐘靠碧基就接應基沙文傳中頭槌頂入,總比數追和2比2,令比賽進入加時。氣勢如虹嘅巴塞隆拿,加時5分鐘就由巴夫韋迪插水式頂入,神奇反勝3比2殺入決賽。巴塞隆拿決賽對手將會係利雲特或者畢爾包。
西班牙盃可以話係巴塞隆拿最鍾意嘅賽事之一,近13季佢哋10次殺入決賽,並且6次順利捧走冠軍,教練朗奴高文賽後亦表示:「我哋從來冇打算放棄西班牙盃,呢個係信念問題,球隊今場表現係無可挑剔。」巴塞隆拿3月7號進行會長選舉,今場3個候選人都有入場睇波。