魚生粥專家　錫菲聯10人應戰贏維拉

足球博彩神器，每日重心提供盡在《彩報》：http://win.on.cc/football/　

周四(4日)凌晨英超賽事，包尾嘅錫菲聯主場大踢爭氣波，10人應戰下以1比0擊敗阿士東維拉，護級路上保住一線生機。錫菲聯今季4場贏波，全部都係以1球僅勝，堪稱係「魚生粥專家」。

阿士東維拉今場繼續有王牌球星基亞利殊受傷缺陣，球隊表現判若兩隊，面對聯賽4連敗嘅錫菲聯都束手無策。主隊30分鐘由麥哥迪克入波領先，57分鐘錫菲聯中堅菲臘積基爾卡被逐，但維拉喺超過半個鐘頭人多打人少下都入唔到波，最終以0比1飲恨。

錫菲聯贏波後仍然排榜尾，同安全區仲有12分距離，護級前景相當險峻。其實錫菲聯本身戰鬥力並非想像中弱，數據顯示自上季開始至今，錫菲聯有32場比賽係「一球差距」定勝負(13勝19負)，包括今季4次贏波都係以1球僅勝。