紅軍撼車仔 等睇德國領隊大鬥法

20210304
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
英超周中快車重頭戲壓軸上演,利物浦主場對車路士。兩名德國領隊大鬥法,「紅軍」主帥高普同「車仔」領隊杜曹同樣喜用傳控戰術,盡量希望以控制球賽節奏,減少對後防壓力,杜曹上任後9戰只失2球,「紅軍」近況麻麻,「埃及文明」啞火,近6場聯賽主場有5場開兩球或以下,今場高手過招,隨時一招了,未必多波入,推介2.5球入球細。(Now 621及611周五凌晨4時15分直播)
雖然高普同杜曹戰術都係傳控足球,但高普會加埋高位壓迫,以傳控足球搵進攻機會,但杜曹則啱啱相反,以傳控足球穩住節奏,強調嘅係穩定。
車路士改踢穩陣波
不過,杜曹以往對住高普往績麻麻,只得2勝3和9負,現時車路士喺佢重建之下,個勢唔錯,連盃賽在內上任9場獲6勝3和,最重要係防守穩固,9場只失過2球,杜曹想改變一面倒嘅往績,當然都係以最耍家嘅防守應對高普。
利物浦賽前有好消息,迪亞高祖達同法賓奴泰華利斯已經傷愈,前者因病今場仍然要缺陣,但係法賓奴復出絕對係及時雨,雖然佢本身都只係替工,但佢做「長期替工」表現唔錯,利物浦有望堵塞番後防漏洞。
不過「紅軍」近期成績差,最主要係「埃及文明」啞火,上場幾經辛苦先至喺下半場攻入包尾嘅錫菲聯兩粒贏波,入波仲要係靠居迪斯鍾斯同一個烏龍波,前面3個都仲係冇貨交,今場對住防守力更強嘅車路士,要入波更難,2.5球入球細玩得過。