皇馬No.1德國人　卻奧斯想喺皇馬掛靴

《英超刨績王》加強版，最強數據一網打盡：http://win.on.cc/football/　

皇家馬德里上場聯賽雖然只能打和皇家蘇斯達，不過德國中場卻奧斯就實現重要里程碑，佢自2014年加盟皇家馬德里後，至今309次為球隊上陣，令佢打破傳奇史泰歷克嘅上陣紀錄(308場)，成為皇馬史上出賽最多嘅德國球員。現年31歲嘅卻奧斯表示：「能夠超越傳奇史泰歷克係一大光榮，亦係相當重要嘅紀錄，我一直都話，我嘅目標係喺皇家馬德里踢到掛靴！」

皇馬歷來有唔少德國巨星效力，史泰歷克、舒斯達同納薩都係傳奇球員，近代嘅就要數「大眼仔」奧斯爾，不過卻奧斯同呢位昔日國家隊戰友就反晒面，日前佢接受《馬卡報》訪問，講及球迷網上侮辱問題，佢就話：「2018年世界盃後，我表達對奧斯爾指控國家隊種族歧視嘅做法不滿，結果佢好多球迷就話我金頭髮、藍眼睛...係個納粹主義者，所有人都可以匿喺Profile後面任意攻擊人，但我已經克服咗。」