球會唔放人　巴西對阿根廷世盃外要改期

《英超刨績王》加強版，最強數據一網打盡：http://win.on.cc/football/　

由於防疫措施嘅問題，多間球會都唔放人，南美足協宣布原定3月底舉行嘅兩輪南美區世界盃外圍賽要取消，將改期作賽。

南美足協嘅聲明話因為無法令所有南美國腳及時歸隊參賽，最終決定取消呢兩輪比賽；根據早前報道，好多英超球隊都反對需要被隔離嘅國腳向國家隊報到，因而影響到佢哋嘅英超賽程。

因此，南美足協同國際足聯會再傾一傾新賽程，而根據原本嘅賽程，本月30日巴西主場對阿根廷，呢場大戰要擇日進行。