全世界收聲！般奴費南迪斯話爭標仲有機

《串績王》新登場，最強博彩盤路過關神器：http://win.on.cc/football/　

曼聯喺「曼市打吡」漂亮擊倒曼城後，將榜首差距拉近到11分，雖然仲係好大嘅距離，不過入球功臣般奴費南迪斯賽後豪言，聯賽仲有成10場比賽，曼聯仍然有機會後來居上，而佢嘅入波亦打破「Big 6」魔咒，可以話吐氣揚眉。

般尼費南迪斯賽後表示：「對曼城總係非常困難，我哋今場每方面表現都接近完美，重點唔係贏曼城，而係要贏每一場比賽。開波1分鐘入波係完美開局，我哋有更多空間打擊擊，當球隊防守得好，我哋知道一定有機會入波。」對於爭冠機會，呢位葡萄牙國腳就話仲有機會：「聯賽唔係短跑，而係一場馬拉松，我哋只需要做到最好，唔好分心其他事情。」

今場「曼市打吡」前，曼聯今季面對Big 6球隊未贏過，般奴費南迪斯近6場對Big 6球隊亦冇入波同冇助攻，受到唔少質疑，佢今場射入12碼後，做出雙手掩耳同埋食奶咀慶祝動作，令人懷疑佢係反擊批評，叫全世界收聲，不過般尼費南迪斯就解釋，呢個動作係送畀老婆同仔女。