祖雲達斯設薪酬上限　藍斯拉比奧特等賣

《串績王》新登場，最強博彩盤路過關神器：http://win.on.cc/football/　

祖雲達斯今季意甲成績大倒退，依家聯賽落後榜首國際米蘭7分，歐聯16強首回合亦落後波圖1比2形勢危急，據意大利媒體《Sport Mediaset》爆料，「斑馬軍團」已計劃今個夏天進行大換血，一眾高薪球員前途危危乎，艾朗藍斯同拉比奧特2位中場更鐵定會被掛牌出售。

祖雲達斯2年前以自由身簽入艾朗藍斯同拉比奧特，唔少球迷都覺得佢哋「執到寶」，不過艾朗藍斯經常受傷患影響狀態不穩，拉比奧特就一直踢唔出水準，最慘係兩人由於都係免費轉會，所以人工特別高昂，成為球會財政一大負擔。

據報祖記已為未來合約設下限薪令，球員最高周薪上限為15萬英鎊，不過C朗拿度、馬菲斯迪歷特、保羅戴巴拿、拉比奧特同艾朗藍斯都拎緊超過20萬鎊周薪，當中又以拉比奧特同艾朗藍斯嘅貢獻同潛力最低，所以被清洗都係意料中事。